Telephone:
+94779456435

Email:
editor.todaynewslk@gmial.com

දුමින්ද දිසානායක, ලසන්ත අලගියවන්න සහ මහින්ද අමරවීරගේ පැමිණිල්ල කැඳවීමට දින දෙයි

1 year ago

ශ්‍රී ලංකා නිදහස් පක්ෂයේ නිල තලවලින් තමන්ව අත්හිටුවීමට ගෙන තිබූ තීරණයට එරෙහිව එම පක්ෂයේ නිලතල දැරූ දුමින්ද දිසානායක, ලසන්ත අලගියවන්න සහ මහින්ද අමරවීර යන විසින් ඉදිරිපත් කළ පැමිණිල්ල අගෝස්තු මස 20 වනදා කැඳවන ලෙස කොළඹ දිසා අධිකරණය නියම කළා.

එම පැමිණිල්ල අද කොළඹ දිසා විනිසුරු සඳුන් විතාන මහතා ඉදිරියේ කැඳවූ අවස්ථාවේදී පැමිණිලිකාර දුමින්ද දිසානායක, මහින්ද අමරවීර සහ ලසන්ත අලගියවන්න යන මහත්වරු වෙනුවෙන් පෙනී සිටි නීතිඥවරු කළ කරුණු සලකා බැලූ දිසා විනිසුරු වරයා එම පැමිණිල්ල ඒක පාක්ෂිකව විභාගයට ගැනීම සඳහා අගෝස්තු මස 20 වනදා කැඳවන ලෙස නියම කළා.

අදාළ පැමිණිල්ලේ වග උත්තරකරුවන් ලෙස ශ්‍රී ලංකා නිදහස් පක්ෂයේ සභාපතිවරයා වශයෙන් කටයුතු කළ මෛත්‍රිපාල සිරිසේන ඇතුළු පිරිසක් නම් කර තිබෙනවා
.
තමන්ව අත්තනෝමතික ආකාරයෙන් ධුර වල කටයුතු කිරීම අත්හිටුවීමට එරෙහිව ශ්‍රී ලංකා නිදහස් පක්ෂයේ ජාතික සංවිධායක වශයෙන් කටයුතු කළ දුමින්ද දිසානායක , භාණ්ඩාගාරික ලසන්ත අලගිය වන්න සහ ජේෂ්ඨ උපසභාපති මහින්ද අමරවීර යන මහත්වරු විසින් මෙම පැමිණිල්ල ඉදිරිපත් කර තිබුණා.