එකම පාසලේ දස වසරකට වැඩි කාලයක් සේවය කරන ගුරුවරුන්ගේ ස්ථාන මාරු ක්රියාත්මක නොකරන ජාතික පාසල්වල විදුහල්පතිවරුන්ට එරෙහිව විනය ක්රියාමාර්ග ගැනීමට අධ්යාපන හා උසස් අධ්යාපන අමාත්යාංශය තීරණය කර තිබේ. අද (31 වැනිදා)ට පෙර එම ගුරුවරුන්ගේ ස්ථාන මාරු ක්රියාත්මක කළ යුතු බවට එම විදුහල්පතිවරුන්ට දැනුම් දී ඇත.
මෙම ගුරුමාරු ක්රියාත්මක කිරීමට අමාත්යාංශය පියවර ගත්තේ පසුගිය මාර්තු මාසයේ දී ය. තුන්දහසකට අධික පිරිසක් මෙලෙස ස්ථාන මාරු කරන ලද අතර, එහෙත් කොළඹ ඇතුළු ප්රධාන පෙළේ පාසල්වල ගුරුවරුන් සැලකිය යුතු පිරිසක් එම ස්ථාන මාරු භාර ගෙන නොමැති බවට අමාත්යාංශයට පැමිණිලි ලැබී තිබිණි.
මේ සම්බන්ධයෙන් ලංකා ගුරු සංගමය ද මගින් ද වරින් වර අමාත්යාංශය දැනුවත් කෙරිණි. එවැනි විදුහල්පතිවරුන්ට එරෙහිව විනය ක්රියාමාර්ග ගන්නා බව අමාත්යාංශය එම සංගමය වෙත දැනුවත් කර තිබේ.