Telephone:
+94779456435

Email:
editor.todaynewslk@gmial.com

ඉලංගෙයි තමිල් අරසු කච්චි පක්ෂයේ බලය යළිත් වරක් උතුරෙන් ගිලිහෙයි! හර්තාලයට අද අත් වූ ඉරණම මෙන්න!

1 year ago

අද (18) දින ඉලංගෙයි තමිල් අරසු කච්චි පක්ෂය ඇතුළු දේශපාලන කණ්ඩායම් කිහිපයක් විසින් මුලතිව්, මුත්තයාන්කට්ටු ප්‍රදේශයේදී මියගිය තරුණයෙකුගේ මරණය වෙනුවෙන් සාධාරණය ඉටුකරන ලෙසට හා තවත් ඉල්ලීම් කිහිපයක් ඉල්ලීම් කරමින් උතුරු නැගෙනහිර පළාත්වල හර්තාලයක් කැඳවා තිබුණි.

නමුත් හර්තාලය කැඳවා තිබුණද අද දින උතුරු පළාතේ රාජ්‍ය ආයතනවල කටයුතු, පාසල්වල කටයුතු සාමාන්‍ය පරිදි සිදු කෙරුණි.

හර්තාලය වෙනුවෙන් වෙළඳ සංගම් කිහිපයක් සහයෝගය පළ කළද, වෙළඳ සංගම් රැසක් හර්තාලය වෙනුවෙන් සහයෝගය පළ නොකරන බවට ප්‍රකාශ නිකුත් කොට තිබුණි.

හර්තාලය පැවැත්වු නගරවල වෙළඳ සැල් රැසක් විවෘත කොට තිබු අතර, වෙළඳසැල් කිහිපයක් පමණක් වසා දමා තිබෙන අයුරුද දැක ගැනීමට හැකි වූ අතර, උතුරේ ජන ජිවිතය සාමාන්‍ය පරිදි ක්‍රියාත්මක වු ආකාරයද දැක ගැනීමට හැකි වූ බව වැඩිදුරටත් වාර්තා වේ.