මෙරට සියලුම රාජ්ය ආයතන සඳහා ඇඟිලි සලකුණු ස්කෑනර් යන්ත්ර සවි කිරීමට පියවර ගන්නා බව පළාත් සභා සහ පළාත් පාලන අමාත්ය මහාචාර්ය ඒ.එච්.එම්.එච්. අබයරත්න මහතා පවසනවා.
මේ වන විටත් බොහෝ රාජ්ය ආයතනවල මෙම ක්රමය ක්රියාත්මක වුවද, ඇතැම් ආයතන තවමත් එය භාවිතා නොකරන බවයි අමාත්යවරයා සඳහන් කළේ.
මෙම නව ක්රමවේදය රාජ්ය සේවකයන්ට මෙන්ම පාලනාංශයටද පහසු ක්රියාවලියක් වනු ඇති බව අමාත්යවරයා සඳහන් කළේය. විශේෂයෙන්ම, වත්මන් රජය යටතේ අතිකාල දීමනා ඉහළ නැංවීමත් සමඟ, මෙම ගෙවීම් නිවැරදිව සිදු කිරීම අත්යවශ්ය බවයි අමාත්යවරයා සඳහන් කළේ.
මහජන මුදල්වලින් වැටුප් ලබන රාජ්ය සේවකයන්ගේ වැටුප් සහ අතිකාල දීමනා නිවැරදිව ගණනය කිරීම සඳහා ඇඟිලි සලකුණු ස්කෑනර් යන්ත්ර අත්යවශ්ය මෙවලමක් වන බවත් මෙමගින් රාජ්ය සේවය තුළ පැමිණීම, පිටවීම සහ අතිකාල සේවය පිළිබඳව නිවැරදි වාර්තා පවත්වා ගැනීමට හැකිවන බවත්, එමගින් විනිවිදභාවය සහ වගවීම තහවුරු වන බවත් ඔහු පෙන්වා දුන්නේය.
