Telephone:
+94779456435

Email:
editor.todaynewslk@gmial.com

සෝමාවතිය මාර්ගය යලිත් ජලයෙන් යටවෙලා

11 months ago

මහවැලි ගඟ පිටාර ගැලීමෙන් ඓතිහාසික සෝමාවතිය පුදබිමට ගමන් ගන්නා මාර්ගය ජලයෙන් යටවීම නිසා රථවාහන ධාවනය අත්හිටුවා තිබෙනවා.

පුලස්තිපුර පොලීසිය විසින් අද (07) උදෑසන 8.30 සිට අත්හිටුවීමට කටයුතු කර තිබුණා.

ඒ මහවැලි ගඟේ ඉහළ ජල පෝෂක ප්‍රදේශවලට ඇදහැලෙන අධික වර්ෂාව හේතුවෙන් මහවැලි ගඟ පිටාර ගැලීමෙන් පොළොන්නරුව ඓතිහාසික සෝමාවතිය පුද බිම වෙත ගමන් කරන සෝමාවතිය සුංගාවිල මාර්ගය ජලයෙන් යටවීම හේතුවෙන්.

සෝමාවතිය සුංගාවිල ප්‍රධාන මාර්ගය දිග්ගල ප්‍රදේශයෙන් අඩි 02කින් පමණ ජලයෙන් යටවීම හේතුවෙන් මෙලෙස එම මාර්ගයේ රථවාහන ධාවනය අත්හිටුවීමට කටයුතු කර ඇති බව සඳහන් වනවා.

ඒ අනුව ඊයේ (06) සවස දළදා සමිඳුන් වෙත පූජාවන් පැවැත්වීම සඳහා සෝමාවතිය රජ මහා විහාරස්ථානය වෙත ගමන් කළ බැතිමතුන් පිරිසක් සෝමාවතිය සුංගාවිල මාර්ගය ජලයෙන් යටවීම හේතුවෙන් ගමනාගමන කටයුතු ඇනහිටීම මත විහාරස්ථානට අයත් ට්‍රැක්ටර් රථයක් යොදා ඔවුන් පැමිණි බස්රථය කරා රැගෙන යාමට සෝමාවතිය විහාරස්ථානයේ භික්ෂූන් වහන්සේලා කටයුතු කර තිබුණා.