දිවයිනේ දැනට පවතින වැසි සහිත කාලගුණික තත්ත්වය ජනවාරි මස 15 වන දින සිට ක්රමයෙන් අඩුවනු ඇතැයි කාලගුණවිද්යා දෙපාර්තමේන්තුව නිවේදනය කරයි. අද (13) පස්වරු 2.00ට නිකුත් කරන ලද නවතම නිවේදනයට අනුව ඉදිරි පැය කිහිපය සඳහා වන කාලගුණ අනාවැකිය මෙසේය.
ඌව, නැගෙනහිර සහ මධ්යම පළාත්වල වැසි ස්වල්පයක් ඇති විය හැකිය.කොළඹ, කළුතර, ගාල්ල, මාතර සහ රත්නපුර දිස්ත්රික්කවල ස්ථාන ස්වල්පයක සවස 2.00න් පසු වැසි හෝ ගිගුරුම් සහිත වැසි ඇති විය හැක.බස්නාහිර, සබරගමුව, මධ්යම පළාත්වලත් ගාල්ල සහ මාතර දිස්ත්රික්කවලත් අලුයම් කාලයේදී මීදුම් සහිත තත්ත්වයක් බලාපොරොත්තු විය හැකිය.
කන්කසන්තුරය සිට ත්රිකුණාමලය හරහා පොතුවිල් දක්වා මුහුදු ප්රදේශවල වැසි ස්වල්පයක් ඇති වේ. සෙසු මුහුදු ප්රදේශවල සවස් කාලයේදී වැසි හෝ ගිගුරුම් සහිත වැසි ඇති විය හැක
ගිගුරුම් සහිත වැසි ඇති වන අවස්ථාවලදී මුහුදු ප්රදේශවල තාවකාලිකව තද සුළං ඇති විය හැකි අතර එවිට එම මුහුදු ප්රදේශ තාවකාලිකව ඉතා රළු විය හැකි බව ද කාලගුණවිද්යා දෙපාර්තමේන්තුව වැඩිදුරටත් සඳහන් කරයි.
