අවිස්සාවේල්ල ප්රධාන මාර්ගයේ මත්තමගොඩ, පලෝවිට ප්රදේශයේදී සිදුවූ දරුණු රිය අනතුරකින් පුද්ගලයෙකු ජීවිතක්ෂයට පත්ව තිබේ.
අදාල අනතුර සිදුව ඇත්තේ කෑගල්ල දෙස සිට ධාවනය වූ යතුරුපැදියක්, අවිස්සාවේල්ල දෙස සිට පැමිණි යතුරුපැදියක මුහුණට මුහුණ ගැටීමෙනි. අනතුරින් බරපතළ තුවාල ලැබූ පුද්ගලයින් දෙදෙනෙකු වහාම කරවනැල්ල මූලික රෝහලට ඇතුළත් කර ඇති අතර, එහිදී එක් අයෙකු මියගොස් ඇති බව වාර්තා වේ.
මෙලෙස මියගොස් ඇත්තේ කොටියාකුඹුර ප්රදේශයේ පදිංචි වයස අවුරුදු 37ක් වන දෙදරු පියෙකි.
විශේෂත්වය වන්නේ, මියගිය පුද්ගලයා විදේශගත වීම සඳහා අවශ්ය කරන ලිපි ලේඛන සූදානම් කරගෙන යමින් සිටියදී මෙම අවාසනාවන්ත අනතුරට මුහුණ දී තිබීමයි.
සිද්ධිය සම්බන්ධයෙන් වැඩිදුර විමර්ශන කටයුතු රුවන්වැල්ල පොලීසිය විසින් මෙහෙයවනු ලබයි.
