තලවකැලේ සිට කොළඹ බලා ධාවනය වූ ලංගම බස් රථයක තිරිංග ක්රියා විරහිත වීමෙන් සිදුවන්නට ගිය විශාල අනතුරක්, රියදුරුගේ දක්ෂතාවය මත වළක්වා ගැනීමට හැකිවිය.
අද (26) අලුයම් හැටන් – කොළඹ ප්රධාන මාර්ගයේ ගිනිගත්තේන, කඩ්වල මහ වංගුව ප්රදේශයේදී මෙම සිද්ධිය සිදුවීමට ගොස් තිබේ.
රියදුරු පවසන පරිදි, වංගුවක් ගැනීමට උත්සාහ කිරීමේදී තිරිංග පද්ධතිය ක්රියා විරහිත වී රථය පාලනයෙන් ගිලිහී ගිය අතර, ඔහු අත්තිරිංගය භාවිත කරමින් බස් රථය පස් කන්දකට ගැටවීමෙන් නතර කිරීමට සමත් විය.
එම අවස්ථාවේදී බස් රථය තුළ මගින් 70 දෙනෙකු පමණ ගමන් කරමින් සිටියහ. පසුව ඔවුන් වෙනත් බස් රථයකින් ගමන් කිරීමට රියදුරු සහ කොන්දොස්තරවරයා කටයුතු කළහ.
මෙම බස් රථයේ රියදුරු ලෙස කටයුතු කළේ කඩවත ලංගම ඩිපෝවට අනුයුක්ත මහේෂ් සුදශර්න් ය.
අනතුර සම්බන්ධයෙන් ගිනිගත්තේන පොලිසිය පරීක්ෂණ ආරම්භ කර තිබේ.
