කූඨ ලේඛන සකස් කිරීමේ චෝදනාවට වරදකරු කළ නීතිඥවරයෙකුට හලාවත මහාධිකරණ විනිසුරු නයෝමි වික්රමසේකර මෙනවිය විසින් වසර පහ හමාරක බරපතළ වැඩ සහිත සිරදඩුවම් නියම කළා.
ඊට අමතරව රුපියල් ලක්ෂයක දඩ මුදලක් ද විත්තිකාර නීතිඥවරයාට නියම කළ මහාධිකරණ විනිසුරුවරිය එම දඩ මුදල නොගෙවන්නේ නම් මාස දෙකක ලිහිල් සිර දඩුවමක්ද නියම කරනු ලැබුවා.
මහාධිකරණ විනිසුරුවරිය විසින් මෙලෙස දඩුවම් නියම කරන ලද්දේ මාරවිල, කටුනේරිය ප්රදේශයේ පදිංචිකරුවෙකු වන නීතිඥවරයෙකුයටයි.
1994 සැප්තැම්බර් මස 01 වනදා සහ 1994 දෙසැම්බර් මස 21 වනදා කාන්තාවකගෙන් හිස් තැන් නොපුරවන ලද කොළ වලට අස්සන් ලබා ගෙන පසුව කූඨ ලේඛණ සකස් කර ඉඩම් ලියාපදිංචිකර ඇති බවට නීතිපතිවරයා විසින් විත්තිකාර නීතිඥවරයාට එරෙහිව අධි චෝදනා ගොණු කර තිබුණා.
කෙටියෙන් අවසන් කර ගත යුතු නඩුකරයක් දීර්ඝ කාලයක් විත්තිකාර නීතිඥවරයා විසින් පවත්වා ගෙන ගොස් ඇති බවත්,ඒ නිසා දඩුවම් නියම කිරීමේ දී තමන් කිසිදු ආකාරයකින් පශ්චාත්තාප නොවන බවද මහාධිකරණ විනිසුරුවරිය විසින් සිය නියෝගය නිකුත් කරමින් ප්රකාශ කළා.
එමෙන්ම විත්තිකාර නීතිඥවරයා හිස් කොළවලට අස්සන් ලබාගන්නා අයෙකු බව නඩු විභාගයේ දී පෙනී ගිය බවද මහාධිකරණ විනිසුරුවරිය විසින් ලබා දී ඇති නඩු තීන්දුවේ සදහන් කර තිබෙනවා.
සිර දඬුවම් සහ දඩ මුදලට අමතරව අගතියට පත් පාර්ශ්වයට රුපියල් 40,000 ක වන්දි මුදලක් ගෙවන ලෙසද විත්තිකාර නීතිඥවරයාට නියම කර ඇති අතර, එම වන්දි මුදල නොගෙවන්නේ නම් එය දඩ මුදලක් ලෙස අය කර ගන්නා ලෙස සහ මාස 24ක ලිහිල් සිර දඩුවමක්ද මහාධිකරණ විනිසුරුවරිය විසින් විත්තිකරුට නියම කළා.
