Telephone:
+94779456435

Email:
editor.todaynewslk@gmial.com

පිංකම් ගෙදර යන්න ගිය තරුණියට අත් වූ අවාසනාවන්ත ඉරණම

10 months ago

හොරණ, රත්නපුර ප්‍රධාන මාර්ගයේ එපිටවල 07 කණුව ආසන්නයේ දී ත්‍රීරෝද රථයක් හා තෙල් බවුසරයක් ගැටීමෙන් සිදුවූ අනතුරකින් 20 හැවිරිදි තරුණියක් මියගොස් ඇතැයි කිරිඇල්ල පොලිසිය පවසනවා.

මෙම අනතුර පසුගියදා (02) රාත්‍රී සිදුව ඇති අතර, ඉංගිරිය ප්‍රදේශයේ පැවති ධර්මදේශනා පින්කමකට සහභාගි වීම සඳහා ත්‍රීරෝද රථයෙන් මෙම තරුණිය ඉංගිරිය දෙසට ගමන් කර ඇති අතර තෙල් බවුසරය රත්නපුර දෙසට පැමිණ ඇතැයි පොලිසිය පවසනවා.

වංගුවක් සහිත ස්ථානයක දී ත්‍රීරෝද රථය තෙල් බවුසර යේ ගැටීමෙන් පිටුපස අසුනේ සිටි තරුණිය විසි වී බවුසරයේ පිටුපස රෝදවලට යට වී ඇතැයි පොලිසිය පවසනවා. අනතුරින් ඇය එම ස්ථානයේදීම මියගොස් ඇති බවට අනාවරණය වන බවයි පොලිසිය සඳහන් කරන්නේ.

මෙසේ මියගොස් ඇත්තේ 20 හැවිරිදි බෙරලියන, මදනගොඩ, අයගම, කිරිඇල්ල ලිපිනයේ පදිංචි තරුණියක්.

සිද්ධිය පිළිබඳ ඉදිරි විමර්ශන කිරිඇල්ල පොලිසිය විසින් සිදු කරනු ලබනවා.