අද (06) දිනයේ දිවයිනේ ප්රදේශ කිහිපයකට වැසි හෝ ගිගුරුම් සහිත වැසි ඇති විය හැකි බව කාලගුණ විද්යා දෙපාර්තමේන්තුව පවසයි. විශේෂයෙන් නැගෙනහිර, ඌව සහ මධ්යම පළාත්වලත්, පොලොන්නරුව සහ හම්බන්තොට දිස්ත්රික්කවලත් විටින් විට වැසි ඇති විය හැකි බව එම දෙපාර්තමේන්තුව නිකුත් කළ නවතම නිවේදනයක සඳහන් වේ.
ඌව සහ නැගෙනහිර පළාත්වලත් හම්බන්තොට, මාතලේ සහ නුවරඑළිය දිස්ත්රික්කවලත් ඇතැම් ස්ථානවලට මිලිමීටර් 50 ඉක්මවූ තරමක් තද වැසි ඇති විය හැකියි. මීට අමතරව උතුරු පළාතේ සහ අනුරාධපුර දිස්ත්රික්කයේ ද වැසි වාර කිහිපයක් ඇති වන බව වාර්තා වේ.
දිවයිනේ සෙසු ප්රදේශවල පස්වරු 2.00න් පසු තැනින් තැන වැසි හෝ ගිගුරුම් සහිත වැසි ඇති විය හැකි අතර, රත්නපුර, කළුතර, ගාල්ල සහ මාතර දිස්ත්රික්කවල ඇතැම් ස්ථානවලට ද මිලිමීටර් 50 ඉක්මවූ තද වැසි ඇති වීමේ හැකියාවක් පවතී.
උතුරු සහ වයඹ පළාත්වල මෙන්ම මාතලේ, ත්රිකුණාමලය සහ අනුරාධපුර දිස්ත්රික්කවල විටින් විට පැයට කිලෝමීටර් 30-40 දක්වා වන තරමක් තද සුළං ඇති විය හැකියි. එමෙන්ම බස්නාහිර, සබරගමුව සහ මධ්යම පළාත්වලත් ගාල්ල, මාතර සහ බදුල්ල දිස්ත්රික්කවලත් අලුයම් කාලයේදී මීදුම් සහිත තත්ත්වයක් අපේක්ෂා කෙරේ.
