පාර්ලිමේන්තුවේ වැඩ තහනමට ලක්ව සිටින නියෝජ්ය මහලේකම් සහ කාර්ය මණ්ඩල ප්රධානී චමින්ද කුලරත්න මහතා, තමාට එරෙහිව ගෙන ඇති විනය පියවරයන්ට එරෙහිව අධිකරණ ක්රියාමාර්ග ගැනීමට සූදානම් වනු ඇතැයි සන්ඩේ ටයිම්ස් පුවත්පත වාර්තා කර තිබෙනවා.
සන්ඩේ ටයිම්ස් පුවත්පතේ දේශපාලන තීරුව සඳහන් කරන්නේ, ලබන සතියේදී ඔහු විසින් අභියාචනාධිකරණය හමුවේ රිට් පෙත්සමක් ගොනු කිරීමට නියමිත බවයි.
කතානායක ආචාර්ය ජගත් වික්රමරත්න මහතාගේ උපදෙස් මත පත්කළ ඒක පුද්ගල කමිටු වාර්තාවක් පදනම් කර ගනිමින් පසුගිය ජනවාරි 23 වැනිදා සිට චමින්ද කුලරත්න මහතාගේ වැඩ තහනම් කිරීමට පියවර ගෙන තිබුණා.
ඒ චමින්ද කුලරත්න මහතා තනතුරට අවශ්ය රාජ්ය සේවා පළපුරුද්ද සම්බන්ධයෙන් වැරදි තොරතුරු ලබාදීම, අවිධිමත් ලෙස ඉහළ වැටුප් ලබාගැනීමෙන් රජයට මූල්ය අලාභයක් සිදු කිරීම, රාජ්ය සේවා කොමිෂන් සභා රීති උල්ලංඝනය කිරීම, ආදි චෝදනා එල්ල වීම හේතුවෙනුයි.
තමාට එල්ල වූ සියලු චෝදනා ප්රතික්ෂේප කරන කුලරත්න මහතා පවසන්නේ, මෙය කථානායකවරයා සමඟ ඇති වූ පෞද්ගලික අමනාපයක් මත සිදුවූවක් බවයි.
