අද (14) දිනට යෙදී ඇති ආදරවන්තයින්ගේ දිනය නිමිත්තෙන් ශ්රී ලංකා පොලිසිය විසින් විශේෂ නිවේදනයක් නිකුත් කර තිබේ.
එහිදී ප්රධාන වශයෙන් අවධාරණය කර ඇත්තේ මෙම දිනය සමරන සියලුම ආදරවන්තයින් රටේ පවතින නීති රීතිවලට මෙන්ම සමාජීය සාරධර්මවලට අනුකූලව කටයුතු කළ යුතු බවයි.
පොලිස් මාධ්ය ප්රකාශක සහකාර පොලිස් අධිකාරි එෆ්.යූ. වුට්ලර් මහතා පවසා සිටින්නේ, තමන්ගේ සැමරීම් සිදුකිරීමේදී අනෙකුත් පුද්ගලයන්ට අපහසුවක් නොවන පරිදි සහ ශීලාචාර ලෙස හැසිරීමට වගබලා ගත යුතු බවයි.
විශේෂයෙන්ම පොදු ස්ථානවලදී ගෞරවනීය ලෙස හැසිරීමේ වැදගත්කම ඔහු පෙන්වා දී ඇත.
එසේම, ආදරවන්තයින් තම ආරක්ෂාව සහ ගෞරවය පිළිබඳව දැඩි ලෙස කල්පනාකාරී විය යුතු බවත්, ඕනෑම සැමරීමක් සමාජ සම්මතයන්ට පටහැනි නොවන අයුරින් සිදුකළ යුතු බවත් පොලිසිය වැඩිදුරටත් සිහිපත් කර සිටියි.
