දිවයිනේ පළාත් සහ දිස්ත්රික්ක කිහිපයකට බලපාන පරිදි ප්රබල අකුණු පිළිබඳ අවවාදාත්මක නිවේදනයක් කාලගුණවිද්යා දෙපාර්තමේන්තුව විසින් නිකුත් කර තිබේ. අද (14) පෙරවරු 11.30ට නිකුත් කරන ලද මෙම පණිවිඩය අද රාත්රී 11.30 දක්වා වලංගු වන පරිදි ක්රියාත්මක වේ. ඒ අනුව අදාළ ප්රදේශවල ජනතාව මේ පිළිබඳව දැඩි අවධානයෙන් පසුවිය යුතු බව එම දෙපාර්තමේන්තුව අවධාරණය කරයි.
විශේෂයෙන්ම බස්නාහිර, සබරගමුව සහ දකුණු පළාත්වලත්, බදුල්ල සහ නුවරඑළිය දිස්ත්රික්කවලත් ඇතැම් ප්රදේශවල අද සවස 1.00න් පමණ පසුව ගිගුරුම් සහිත වැසි සමඟ ප්රබල අකුණු ඇති වීමේ වැඩි හැකියාවක් පවතින බව කාලගුණ වාර්තා පෙන්වා දෙයි. වැසි ඇති වන අවස්ථාවලදී එම ප්රදේශවල තාවකාලිකව තද සුළං තත්ත්වයක් ද ඇති විය හැකි බවට පුරෝකථනය කර ඇත.
අකුණු මඟින් සිදුවිය හැකි ජීවිත හා දේපළ අනතුරු අවම කර ගැනීම සඳහා අත්යවශ්ය ආරක්ෂිත පියවර ගන්නා ලෙස කාලගුණවිද්යා දෙපාර්තමේන්තුව ජනතාවගෙන් ඉල්ලා සිටී.
