නිරිතදිග බෙංගාල බොක්ක මුහුදු ප්රදේශයේ පැවති අඩු පීඩන කලාපය දිවයිනෙන් ඉවතට ගමන් කිරීම හේතුවෙන්, අද (23) සිට පවතින වැසි තත්ත්වයේ අඩුවීමක් අපේක්ෂා කරන බව කාලගුණ විද්යා දෙපාර්තමේන්තුව නිවේදනය කරයි.
පීඩන අවපාතය ඉවතට ගියද, දිවයිනේ ප්රදේශ කිහිපයක තවදුරටත් වැසි තත්ත්වයන් වාර්තා විය හැකි බව එම දෙපාර්තමේන්තුව පෙන්වා දෙයි:
උතුරු, උතුරු-මැද සහ වයඹ පළාත්වලත්, ත්රිකුණාමලය දිස්ත්රික්කයේත් වැසි වාර කිහිපයක් ඇතිවිය හැකිය.
ගාල්ල, මාතර, රත්නපුර සහ හම්බන්තොට දිස්ත්රික්කවල පස්වරු 2.00 න් පසුව ස්ථාන ස්වල්පයක වැසි හෝ ගිගුරුම් සහිත වැසි ඇතිවීමේ හැකියාවක් පවතී.
මධ්යම, සබරගමුව සහ ඌව පළාත්වලත් අම්පාර සහ හම්බන්තොට දිස්ත්රික්කවලත් ඇතැම් ස්ථානවල අළුයම් කාලයේදී මීදුම් සහිත තත්ත්වයක් පැවතිය හැකි බව කාලගුණ වාර්තාවේ සඳහන් වේ.
