Telephone:
+94779456435

Email:
editor.todaynewslk@gmial.com

අද පස්වරු 2න් පසු කාලගුණයේ වෙනසක්

9 months ago

දකුණු පළාතේ මෙන්ම රත්නපුර, මොනරාගල සහ කළුතර දිස්ත්‍රික්කවල ස්ථාන කිහිපයක  අද (24) පස්වරු 2.00 න් පසුව වැසි හෝ ගිගුරුම් සහිත වැසි වර්ධනය විය හැකි බව කාලගුණවිද්‍යා දෙපාර්තමේන්තුව පවසනවා.

එම දෙපාර්තමේන්තුව සඳහන් කළේ, දිවයිනේ සෙසු ප්‍රදේශවල බොහෝ දුරට වැසි රහිත වියළි කාලගුණයක් පවතිනු ඇතැයි අපේක්ෂා කරන බවයි.

මධ්‍යම, සබරගමුව, බස්නාහිර, වයඹ සහ උතුරු-මැද පළාත්වලත්, ගාල්ල සහ මාතර දිස්ත්‍රික්කවලත් ඇතැම් ස්ථානවල අලුයම් කාලයේදී මීදුම් සහිත තත්ත්වයක් දැකගත හැකි වනු ඇති බව කාලගුණ විද්‍යා දෙපාර්තමේන්තුව පැවසුවා.

ගිගුරුම් සහිත වැසි ඇති වන අවස්ථාවලදී තාවකාලිකව හමන තද සුළං සහ අකුණු මඟින් සිදුවන අනතුරු වළක්වා ගැනීමට අවශ්‍ය පූර්ව ආරක්ෂිත පියවර ගන්නා ලෙස එම දෙපාර්තමේන්තුව මහජනතාවගෙන් ඉල්ලා සිටිනවා.