Telephone:
+94779456435

Email:
editor.todaynewslk@gmial.com

අදට යෙදුණු මැදින් පුර පසළොස්වක පොහොයෙහි ඇති වැදගත්කම

9 months ago

ශ්‍රී සම්බුද්ධ ශාසන ඉතිහාසයේ වැදගත් සිදුවීම් රැසක් සිදු වූ මැදින් පුර පසළොස්වක පොහොය අද(02)යි.

ඉන් වැදගත්ම සිදුවීම වන්නේ බුදුරජාණන් වහන්සේ සිය පියාණන් වූ සුද්ධෝදන රජු සහ ශාක්‍ය වංශික ඥාතීන් දැකීමට මහාසංඝයා වහන්සේ සමග කිඹුල්වත්නුවර බලා වැඩම කරවීමයි.

ලෝකාන්ත චර්ය්‍යාවේ යෙදුණු බුදුරජාණන් වහන්සේ කිඹුල්වත් පුරට වැඩම කලේ විසිදදහසක් ආර්ය මහා සංඝරත්නය පිරිවරාගෙනයි.

රජගහ නුවර වේළුවනාරාමයේ සිට බුදුන්වහන්සේ කිඹුල්වත් පුරයට වැඩම කිරීමට හේතුවුයේ සුද්දෝධන රජතුමා ප්‍රමුඛ සාක්‍ය වංශිකයින්ට දහම්සුවය අත්කර දීමේ අරමුණින්. ගෞතම බුදුරජාණන් වහන්සේට ඒ සඳහා ආරාධනා කලේ සුද්ධෝදන රජතුමාගේ ප්‍රධානම ඇමතිවරයෙකු වූ කාළුදායි ඇමති විසිනුයි.

උපන්බිමට වැඩම කරන බුදුරාජාණන් වහන්සේ දුටු සාක්‍යයන් තම මානයෙන් උදම්වී ගියා. එම නිසා බාල දරුවන් පමණක් බුදුරාජාණන් වහන්සේට නමස්කාර කිරීමට යැවූ සාක්‍ය වැඩිහිටියන් පසුපසට වී බලාසිටියා. ද්‍යානයට සමවැදුණු බුදුරජාණන් වහන්සේ එකවරම අහසට නැග සිය දේහ‍යෙන් ජල ධාරා හා ගිණි ජාලා මතුකරමින් යමා මහා පෙළහර දැක්වූවා.

මානයෙන් උදම්ව සිටි සාක්‍යයන් බුදුසරණ ගොස් සත්‍ය අවබෝධ කරගත්තේ සුද්ධෝදන රජතුමා තුන්වන වරටත් සිය පුතුට වැද නමස්කාර කරද්දීයි. රාහුල කුමරු සම්බුද්ධ ශාසනයට ඇතුලත් වන්නේ ද බුදුරජාණන් වහන්සේගේ මෙම කිඹුල්වත් පුරට වැඩම කිරීමේදීයි.