දූෂණ චෝදනාවලට වැරදිකරුවන් කරමින් තමන්ට නියම කළ සිරදඬුවම් අභියෝගයට ලක් කරමින් හිටපු අමාත්යවරුන් වන මහින්දානන්ද අලුත්ගමගේ සහ නලින් ප්රනාන්දු යන මහත්වරුන් ගොනු කළ අභියාචනා පෙත්සම් විභාගය ශ්රේෂ්ඨාධිකරණය අද (11) අවසන් කර තිබෙනවා.
අගවිනිසුරු ප්රීති පද්මන් සූරසේන මහතා ප්රමුඛ පංච පුද්ගල ශ්රේෂ්ඨාධිකරණ විනිසුරු මඩුල්ලක් ඉදිරියේ මෙම විභාගය පැවැත්වුණා.
අඛණ්ඩව තුන්වන දිනටත් අද පැවති මෙම විභාගයේදී විත්තිකාර අභියාචක පාර්ශ්වය සහ අල්ලස් හෝ දූෂණ චෝදනා විමර්ශන කොමිෂන් සභාව වෙනුවෙන් පෙනී සිටි නීතිඥවරියන් සිය දේශන ඉදිරිපත් කිරීම සම්පූර්ණයෙන්ම අවසන් කරනු ලැබුවා.
දෙපාර්ශ්වයේම කරුණු සලකා බැලීමෙන් අනතුරුව, අදාළ අභියාචනාවල අවසන් තීන්දුව ප්රකාශයට පත් කිරීම ශ්රේෂ්ඨාධිකරණය විසින් පසුවට කල් තබනු ලැබුවා.
