Telephone:
+94779456435

Email:
editor.todaynewslk@gmial.com

ළිඳක් තුළට දමා සිටි කාන්තාවක් බේරා ගැනේ! ළිං පතුලෙන් මළ සිරුරකුත් හමුවෙයි!

8 months ago

කොක්කඩිචෝලේ, නෙල්ලිකාඩු ප්‍රදේශයේ කුඹුරු යායක පිහිටි පොදු ළිඳක් තුළ දමා සිටි කාන්තාවක අසාධ්‍ය තත්ත්වයෙන් බේරා ගැනීමට පොලිසිය සමත්ව තිබේ. එම ළිඳ තුළම තිබී තවත් කාන්තාවකගේ මළ සිරුරක් ද පොලිසිය විසින් සොයාගෙන ඇත.

මෙලෙස බේරාගෙන ඇත්තේ පෙරේදා (19) දින සිය දරුවා සමඟ ගමන් කරමින් සිටියදී කොත්තියාපුලෙයි ප්‍රදේශයේදී අතුරුදහන් වූ කාන්තාවකි.

ඊයේ උදෑසන කිරි පට්ටියක් වෙත යමින් සිටි පිරිසකට ළිඳ තුළින් ඇසුණු කෑගැසීමක් හේතුවෙන් සිදුකළ පරීක්ෂාවකදී, කරවටක් ජලයේ ගිලී සිටි මෙම කාන්තාව හමුවී තිබේ. වහාම ක්‍රියාත්මක වූ කොක්කඩිචෝලේ පොලිසිය ඇය මුදාගෙන මඩකලපුව ශික්ෂණ රෝහලට ඇතුළත් කිරීමට පියවර ගෙන ඇත.

තමන්ව පැහැරගෙන විත් දරුණු ලෙස පහර දී මෙම ළිඳට දැමූ බව අසාධ්‍ය තත්ත්වයේ පසුවන කාන්තාව පොලිසියට පවසා තිබේ.

ඇය ලබාදුන් තොරතුරු මත සිදුකළ සෝදිසි කිරීම්වලදී ළිඳ තුළ තිබූ අනෙක් මළ සිරුර සොයාගත් අතර, සිද්ධිය සම්බන්ධයෙන් පොලිසිය පුළුල් විමර්ශන ආරම්භ කර ඇත.