මැදපෙරදිග කලාපයේ පවතින යුදමය තත්ත්වය හේතුවෙන් ජෙට් ඉන්ධන මිල ඉහළ යාම සහ ඉන්ධන ලබාගැනීමේ දුෂ්කරතා මත ඔස්ට්රේලියාව සහ නවසීලන්තය අතර අභ්යන්තර සහ සෘජු ගුවන් ගමන් රැසක් අවලංගු කිරීමට ගුවන් සමාගම් පියවර ගෙන තිබේ.
විදෙස් මාධ්ය වාර්තාවලට අනුව, එළඹෙන මැයි මාසයේ සැලසුම් කර තිබූ ගුවන් ගමන්වලින් 12%ක් පමණ මෙම තත්ත්වය නිසා බලපෑමට ලක්ව ඇත. ප්රධාන වශයෙන්:
- නවසීලන්තයේ ඕක්ලන්ඩ්, ක්රයිස්චර්ච් සහ වෙලින්ටන් නගර.
- ඔස්ට්රේලියාවේ සිඩ්නි සහ බ්රිස්බේන් නගර. අතර ක්රියාත්මක වන ගුවන් ගමන් වාර මෙලෙස අවලංගු වී තිබේ. කෙසේ වෙතත්, අපහසුතාවයට පත් මගීන්ගෙන් බහුතරයකට එදිනම විකල්ප ගුවන් ගමන් ලබාදීමට අදාළ සමාගම් කටයුතු කර ඇත.
මෙම ඉන්ධන අර්බුදය ඔස්ට්රේලියානු කලාපයට පමණක් නොව ආසියානු රටවලට ද දැඩි ලෙස බලපා තිබේ:
- ඉන්ධන හිඟය සහ මිල ඉහළ යාම මත වියට්නාම ගුවන් සේවය සතියකට දේශීය ගුවන් ගමන් 24ක් පමණ අවලංගු කර ඇත.
- එරට ගුවන් සමාගම් ද සිය දේශීය ගුවන් ගමන් කාලසටහන්වල සැලකිය යුතු කප්පාදුවක් සිදුකර තිබේ.
ගුවන් සමාගම් පවසන්නේ පවතින අසාමාන්ය තත්ත්වය හමුවේ මෙලෙස ගුවන් ගමන් වාර සීමා කිරීමට සිදුවීම පිළිබඳව කනගාටුව පළ කරන බවයි
