Telephone:
+94779456435

Email:
editor.todaynewslk@gmial.com

අන්තර්ජාල‍ය ඔස්සේ මූල්‍ය වංචා කළ විදෙස් ජාතිකයින් 147 දෙනකු හලාවතදී අත්අඩංගුවට

8 months ago

හලාවත, අඹකදවිල සහ ඉරණවිල ප්‍රදේශයේ පිහිටි හෝටලයක් තුළ පවත්වාගෙන ගිය අන්තර්ජාල මූල්‍ය වංචා මධ්‍යස්ථානයක් වැටලීමට කොළඹ අපරාධ විමර්ශන ඒකකයේ නිලධාරීන් අද (03) පියවර ගෙන තිබේ.

මෙම වැටලීමේදී මූල්‍ය වංචාවලට සම්බන්ධ බවට සැකකෙරෙන විදේශිකයන් 147 දෙනෙකු අත්අඩංගුවට ගෙන ඇත.

අත්අඩංගුවට ගත් පිරිස අතර චීන, මැලේසියානු සහ වියට්නාම ජාතිකයන් සිටින බව පොලිසිය පවසයි.

වැටලීම සිදුවන අවස්ථාවේදී හෝටලයෙන් පැන යාමට උත්සාහ කළ චීන ජාතිකයන් දෙදෙනෙකු උස් ස්ථානයකින් බිමට වැටීමෙන් තුවාල ලබා ඇති අතර, ඔවුන් මේ වන විට හලාවත දිස්ත්‍රික් මහ රෝහලේ ප්‍රතිකාර ලබමින් සිටී.

එමෙන්ම අදාළ වැටලීමේදී ලැප්ටොප් පරිගණක 143 ක්, ඩෙක්ස්ටොප් පරිගණක 120 ක් සහ ජංගම දුරකථන 370 ක් ද නිලධාරින් භාරයට ගෙන තිබේ.