දිවයිනේ පවතින වියළි කාලගුණික තත්ත්වය හේතුවෙන් ලබුගම සහ කලටුවාව ජල පිරිපහදු මධ්යස්ථානවල ජල මට්ටම ශීඝ්රයෙන් පහළ බැසීම නිසා ජල සැපයුම සීමා කිරීමට ජාතික ජල සම්පාදන හා ජලාපවහන මණ්ඩලය පියවර ගෙන තිබේ.
ජල සැපයුම කළමනාකරණය කිරීමේ පියවරක් ලෙස, අද (06) පස්වරු 08.00 සිට හෙට (07) පෙරවරු 08.00 දක්වා පැය 12ක කාලයක් පැලැන්වත්ත සහ ඒ අවට ප්රදේශවල ජල සැපයුම සම්පූර්ණයෙන්ම අත්හිටුවීමට තීරණය කර ඇත.
හෝමාගම සහ ඒ අවට ප්රදේශවල (කලාප අංක 01) ජල සැපයුම අද (06) උදෑසන 08.00 සිට පස්වරු 08.00 දක්වා පැය 12ක කාලයක් අත්හිටුවනු ලැබේ. මේ වන විට පාදුක්ක සහ අවට ප්රදේශ සඳහා ක්රියාත්මක වූ ජල කප්පාදුව අද උදෑසන 08.00ට අවසන් වූ බව ද මණ්ඩලය සඳහන් කළේය.
