ආරෝපිත කුලී ආදායම් බද්ද ගැන පැහැදිලි කරමින් මුදල් අමාත්යංශය විසින් නිවේදනයක් නිකුත් කර තිබේ.
එහි දැක්වෙන්නේ ජාත්යන්තර මූල්ය අරමුදලේ සහයෝගීතාව සහිතව ක්රියාත්මක වන විස්තීර්ණ මූල්ය පහසුකම වැඩසටහන සම්බන්ධව මෑත දී ප්රකාශයට පත්කළ ලියවිල්ලෙහි ‘ආරෝපිත කුලී ආදායම් බද්ද‘ ලෙස ක්රියාත්මක වීමට නියමිත, යෝජිත දේපොළ බද්ද පිළිබඳව දක්වා ඇති බවයි.
මුදල්, ආර්ථික ස්ථායීකරණ සහ ජාතික ප්රතිපත්ති අමාත්යාංශය නිකුත්කළ එම නිවේදනයෙහි දැක්වෙන්නේ එම බද්ද තුළින් අවධානය යොමුකර ඇත්තේ සාමාන්ය ආදායම් ලබන්නන් කෙරෙහි නොව, ඉහළ වත්කම් සහිත පුද්ගලයන් කෙරෙහි බවයි.
2025 වර්ෂයේ ආදායම් ඉලක්කය ළඟා කරගැනීමට උපකාරී වන ප්රධාන ක්රමවේදය දේපළ මත පදනම් වන ‘ධන බද්දක්’ බවද එහි සඳහන්.


