රාජපක්ෂ පාලනය උගන්ඩාව ඇතුළු රටවල ඩොලර් බිලියන ගණනක මුදල් සඟවා ඇති බවට කරන චෝදනා ඔප්පු කරන ලෙස හිටපු පාර්ලිමේන්තු මන්ත්රි නාමල් රාජපක්ෂ ජනාධිපති අනුර කුමාර දිසානායකට අභියෝග කර ඇත.
සිය X ගිණුමේ පණිවුඩයක් තබමින් ඊයේ ( 02 වැනිදා) ඔහු සඳහන් කර ඇත්තේ රාජපක්ෂවරුන් සම්බන්ධයෙන් එල්ලවී ඇති චෝදනා ඔප්පු කිරීමට දැන් අනුර කුමාර දිසානායකට කාලය එළැඹ ඇති බවය.
අනුර කුමාර දිසානායකගේ ජනාධිපතිවරණ ප්රචාරක ව්යාපාරයේ වීඩියෝවකට ප්රතිචාර දක්වමින් ඔහු මෙලස සඳහන් කර තිබේ.
එම පණිවිුඩයේ වැඩිදුරටත් මෙලෙස සඳහන් වේ.
”අපි උගන්ඩාවේ සහ විවිධ රටවල ඩොලර් බිලියන ගණනක මුදල් හංගලා තියෙනවා කියලා අනුර කුමාර දිසානායක ජනාධිපතිතුමා ඇතුළු කණ්ඩායම වසර ගණනාවක් තිස්සේ චෝදනා කරනවා. ජනාධිපති ඒ.කේ.ඩී.ට තම චෝදනා ඔප්පු කිරීමට දැන් කාලය පැමිණ තිබේ”

