ලේකම්වරයා සම්බන්ධයෙන් පවතින අර්බුදය නිසා මෙවර පාර්ලිමේන්තු මැතිවරණයේදී එක්සත් ජනතා නිදහස් සන්ධානයට නාමයෝජනා ලබාදීමට නොහැකි බව මැතිවරණ කොමසාරිස් ජනරාල් සමන් ශ්රී රත්නායක පැවැසීය.
එමෙන්ම එක්සත් ලංකා පොදුජන පක්ෂය, එක්සත් ලංකා මහා සභා පක්ෂය, ලංකා ජනතා පක්ෂය, ඊලවර් ප්රජාතන්ත්රවාදී පෙරමුණ සහ ශ්රී ලංකා ප්රගතිශීලී පෙරමුණ යන දේශපාලන පක්ෂ 5ටද එම අවස්ථාව අහිමි වී තිබේ.
ස්ථිර ලේකම්වරයකු නොමැති නිසා එම පක්ෂවලට නාමයෝජනා බාරදීමට නොහැකි බවද ඔහු කීවේය.
එම පක්ෂවල ලේකම්වරු සම්බන්ධයෙන් පවතින ගැටලු නිරාකරණය කරගන්නා ලෙස මැතිවරණ කොමිෂන් සභාව එම පක්ෂවලට දැනුම්දී ඇත.
මැතිවරණ කොමිෂන් සභාවේ ලියාපදිංචි පිළිගත් දේශපාලන පක්ෂ සංඛ්යාව 83 කි.

