Telephone:
+94779456435

Email:
editor.todaynewslk@gmial.com

ලක් අම්මාගේ පාර්ලිමේන්තු සිහිනය බොඳ වෙයි! නාම යෝජනා බාරදීමට පැමිණි දමිතා හිස් අතින් හැරී යයි!

2 years ago

රත්නපුර දිස්ත්‍රික්කයට තරග වැදීම සදහා රංගන ශිල්පිනී දමිතා අබේරත්න මහත්මිය රත්නපුර දිස්ත්‍රික් ලේකම් කාර්යාලයට පැමිණියද ඇය ආපසු හැරී ගොස් තිබෙනවා.

නාම යෝජනා පත්‍රයේ තමන්ගේ නම නොතිබිම හේතුවෙන් ඇය මෙසේ හැරී ගොස් ඇති බවයි වාර්තා වන්නේ.

ඇය මෙවර පාර්ලිමේන්තු මැතිවරණය වෙනුවෙන් සමගි ජන සන්ධානයෙන් රත්නපුර දිස්ත්‍රික්කයෙන් තරග කිරීමට සූදානමින් සිටියා.

ඒ වෙනුවෙන් ඇය සමගි ජන සන්ධානයේ රත්නපුර දිස්ත්‍රික් නාම යෝජනා ලැයිස්තුව සඳහා ද පසුගිය දා අත්සන් තැබුවා.

රත්නපුර දිස්ත්‍රික්කය සදහා තරග කරන සමගි ජන බලවේගයේ නාමයෝජනා ලැයිස්තුව එහි දිස්ත්‍රික් නායක හේෂා විතානගේ මහතා විසින් රත්නපුර දිස්ත්‍රික් ලේකම් සහ තේරිම් භාර නිළධාරි වසන්ත ගුණරත්න මහතා වෙත භාර දී තිබෙනවා.

එහෙත් දමිතා අබේරත්න මහත්මියගේ නම නොමැතිව රත්නපුර දිස්ත්‍රික්කය සදහා සමගි ජන බලවේගය අද ( 11) නාමයෝජනා භාර දුන් බවයි වාර්තා වන්නේ.

මේ සම්බන්ධයෙන් තහවුරු කර ගැනීමට අප හේෂා විතානගේ මහතාව සම්බන්ධ කරගැනීමට උත්සහ කළද එය ව්‍යාර්ත විය.