නවසීලන්තය සමඟ අවසන් එක්දින තරගයට පෙර ශ්රී ලංකා සංචිතයේ ක්රීඩකයින් කිහිපදෙනෙක් නිදහස් කර තිබෙනවා.
ඒ, අනුව පැතුම් නිශ්ශංක, කුසල් මෙන්ඩිස්, කමිඳු මෙන්ඩිස් සහ අසිත ප්රනාන්දු යන ක්රීඩකයින් සිව්දෙනා මෙලෙස එක්දින සංචිතයෙන් නිදහස් කර ඇති බවයි වාර්තා වන්නේ.
දකුණු අප්රිකාව සමඟ ටෙස්ට් තරඟාවලියට පෙර සූදානමක් ලෙස කළමනාකාරිත්වය මෙම තීරණය ගෙන ඇති බවයි වාර්තා වන්නේ.
මේ අතර සංචාරක නවසීලන්ත සමඟ තරග තුනකින් සමන්විත එක්දින තරගාවලියේ පළමු තරග දෙක ජයගත් ශ්රී ලංකාව මේ වනවිට තරගාවලිය ජයගෙන සිටිනවා.
දෙරට අතර තුන්වන සහ අවසන් එක්දින තරගය හෙට (19) පල්ලෙකැලේ ක්රීඩාංගනයේ දී පැවැත්වීමට නියමිතයි.
