ඉන්දියාවේ Gukesh Dommaraju ළාබාලතම චෙස් ලෝක ශූරයා බවට පත්වීමට සමත්වී තිබේ.
ගුකේෂ් ඩී ඉතිහාසයට එක්වන්නේ ලෝක චෙස් ශූරතාවය හිමි කර ගත් ලොව ලාබාලතම ක්රීඩකයා ලෙසයි.
2024 චෙස් ලෝක ශූරතාවලිය සිංගප්පූරුවේ සත්කාරකත්වයෙන් පැවැත්විය.
ඒ, චෙස් ලෝක ශ්රේණිගතකිරීම්හී නම් දරා සිටින ප්රබල ක්රීඩකයින්ගේ සහභාගීත්වයෙනි.
මෙවර ලෝක ශූරයා තීරණය වන අවසන් තරගය ලෙස ශූරතාවලියේ 14වැනි තරගය ඊයේ පැවැත්විය.
එම තරගයට සුදුසුකම් ලබා ගත්තේ පසුගියවර චෙස් ලෝක ශූරතාවය හිමිකර ගත් චීනයේ ඩිං ලිජන් සහ 18 හැවිරිදි ඉන්දීය ක්රීඩක ගුකේෂ් ඩී.
ගුකේෂ් ඩී. චෙස් ලෝක ශ්රේණිගත කිරීම්හී 5වැනි ස්ථානයේ රැඳී සිටි අතර ඩිං ලිජන්ට හිමිව තිබුණේ 23වැනි ස්ථානයයි.
