Telephone:
+94779456435

Email:
editor.todaynewslk@gmial.com

උසාවිය ළඟ නතර කර තිබූ පොලිස් සැරයන්ගේ ත්‍රීරෝද රථයේ බැටරිය උස්සලා

2 years ago

හැටන් මහෙස්ත්‍රාත් අධිකරණයට පිවිසෙන මාර්ගයේ නතර කර තිබු ත්‍රිරෝද රථයක බැටරිය සොරාගෙන යාම සම්බන්ධයෙන් හැටන් පොලිසියට ලද පැමිණිල්ලක් මත විමර්ශනයක් ආරම්භ කර තිබෙනවා.

හැටන් මහෙස්ත්‍රාත් අධිකරණයේ විභාග වූ නඩුවකට පෙනී සිටිම ගිය විශ්‍රාමික පොලිස් සැරයන්වරයෙකු අධිකරණය පිවිසෙන මාර්ගයේ ඉදිරිපට ප්‍රධාන මාර්ගයේ ඔහුට අයත් ත්‍රිරෝද රථය ගාල් කර නඩු කටයුත්ත අවසන් විමෙන් පසු යලිත් ත්‍රිරෝද රථය අසලට පැමිණි විට ත්‍රිරෝද රථයේ බැටරිය සොරකම් කර ඇති බවට තහවුරු වි තිබෙනවා.

ඉන් අනතුරුවයි පොලිස් සැරයන්වරයා ඒ සම්බන්ධයෙන් හැටන් පොලිසියට පැමිණිලි කර ඇත්තේ.

අධිකරණයේ නඩු කටයුතු සදහා පැමිණෙන පිරිස් මෙම මාර්ගයේ තමන් පැමිණෙන වාහන ගාල් කිරිම සිදු කරන අතර, මෙම සොරකම ඉතා සුක්ෂම ලෙස සිදු කර ඇති බවත්, සැකකරු අත්අඩංගුවට ගැනිමට විමර්ෂණ ආරම්භ කර ඇති බවත් හැටන් පොලිසියේ අපරාධ විමර්ෂණ අංශයේ නිලධාරින් සඳහන් කළා.