ඉන්දීය ප්රිමියර් ලීග් (IPL) ක්රිකට් තරගාවලිය අතරතුර දී ආබාධයකට ලක් වූ ගුජරාට් ටයිටන්ස් ක්රීඩක ග්ලෙන් පිලිප්ස් වෙනුවට තුන්ඉරියව් ක්රීඩක දසුන් ශානකට හදිසි කැඳවීමක් ලැබී තිබෙනවා.
ඒ අනුව ගුජරාට් ටයිටන්ස් විසින් ශානකව ඉන්දීය රුපියල් ලක්ෂ 75කට (මෙරට රු.කෝ. 2.5කට වැඩි) මිලදී ගෙන තිබෙනවා.
හයිද්රාබාද්හිදී පැවති සන්රයිසස් හයිද්රාබාද් කණ්ඩායමට එරෙහි තරගයේදී ග්ලෙන් පිලිප්ස් ආබාධයකට ලක්වුණා.
ශ්රී ලංකාව වෙනුවෙන් විස්සයි20 තරග 102කට ක්රීඩා කර ඇති ශානක පන්දුවට පහරදීමෙන් ලකුණු 1456ක් ලබාගෙන ඇති අතර, ඊට අර්ධ ශතක 5ක් ඇතුළත්ව තිබෙනවා.
ඔහුගේ ප්රහාරාත්මක වේගය 122.46ක් ලෙස සටහන්වී තිබෙනවා.
එමෙන්ම විස්සයි 20 ජාත්යන්තර කඩුලු 33කට හිමිකම් කියනු ලබනවා.
