තායිලන්ත ආණ්ඩුක්රම ව්යවස්ථා අධිකරණය විසින් එරට අගමැතිනි පේටොංටාර්න් ෂිනවත්රාගේ සේවය අත්හිටුවා තිබෙනවා.
ඒ ඇය සේවයෙන් පහ කිරීම සම්බන්ධයෙන් නඩුවක්ද විභාග වෙමින් පවතින අතරතුරයි.
කාම්බෝජයේ හිටපු නායක හුන් සෙන් සමග දුරකථනයෙන් සිදුකර ඇතැයි පැවසෙන සංවාදය මෙලෙස ඇගේ වැඩ තහනම් කිරීමට හේතු වී තිබෙනවා.
කාම්බෝජයේ හිටපු නායකයා අමතා ඇය තායි හමුදාවේ අණ දෙන නිලධාරියෙකු විවේචනය තිබුණා.
විදෙස් මාධ්ය වාර්තා කර ඇත්තේ පසුගිය දශක දෙකක කාලය තුළ තායි දේශපාලනයේ ආධිපත්යය දැරූ බලවත් ෂිනවත්රා වංශයේ ඔවුන්ගේ ධුර කාලය සම්පූර්ණ කිරීමට පෙර බලය අහිමි වූ තුන්වන දේශපාලනඥයා බවට පත්වීමට ඇයට සිදුව තිබේ.
ඇයගෙන් පුරප්පාඩුවන අගමැති ධුරය සඳහා සූරිය ජුන්ග්රුන්ග්රුන්ග්කිට් එරට වැඩබලන අගමැති ධුරය සඳහා පත් කර ඇත.
38 හැවිරිදි පේටොංටාර්න් තායිලන්තයේ ලාබාලතම නායිකාව වන අතර ඇගේ නැන්දනිය වූ යින්ලක් ෂිනවත්රාට පසුය අගමැති ධුරයට පත් වූ දෙවන කාන්තාවද ඇය වේ.
