Telephone:
+94779456435

Email:
editor.todaynewslk@gmial.com

අන්තර්ජාලය භාවිතයේදී ප්‍රවේශමෙන්! කාන්තාවන්ට හා දරුවන්ට පොලීසියෙන් අනතුරු ඇඟවීමක්!

1 year ago

2024 සහ 2025 වසරේ මේ දක්වා කාලය තුළ ළමුන් 43 දෙනෙකු සයිබර් අවකාශය තුළ ලිංගික අපචාරවලට ලක්ව ඇති බව පොලීසිය පවසයි.

පසුගිය වසර හා සැසඳීමේදී මෙම වසරේදී එම තත්ත්වය 50%කට ආසන්න ඉහළ යාමක් බව ඔවුන් පෙන්වා දේ. 

2025 වසරේ මේ දක්වා කාලය සීමාව තුළ ළමුන් 28 දෙනෙකු සහ කාන්තාවන් 118 දෙනෙකු ලිංගික අපයෝජනයට ලක්ව ඇත.

2024 වසරේදී ද වයස අවුරුදු 18ට අඩු දරුවන් 15 දෙනෙකු හා කාන්තාවන් 375ක් එලෙස සයිබර් අවකාශය හරහා ලිංගික අතවරවලට ලක්ව ඇත.

කෙසේ නමුත් මෙවැනි සිද්ධීන්වලට සම්බන්ධ පුද්ගලයන් 114 දෙනෙක් අත්අඩංගුවට ගෙන නීතියට ක්‍රියාත්මක කිරීමට හැකිවී ඇති බව පොලිස් මාධ්‍ය ප්‍රකාශක සහකාර පොලිස් අධිකාරී එෆ්. යූ. වුට්ලර් මහතා සඳහන් කළේය.

මේ අතර පසුගිය දෙවසරක කාලය තුළ මත්ද්‍රව්‍ය සම්බන්ධයෙන් ළමුන් 488 දෙනෙකු අත්අඩංගුවට ගෙන ඇති බව පොලීසිය පවසයි.