ක්රිෂ් ගණුදෙණුව සම්බන්ධයෙන් හිටපු අමාත්ය නාමල් රාජපක්ෂට එරෙහිව නීතිපතිවරයා විසින් ගොනු කර තිබෙන නඩුව පූර්ව නඩු විභාග සම්මන්ත්රණය සඳහා දෙසැම්බර් මස 18 වැනිදා කැඳවන ලෙස කොළඹ මහාධිකරණය විසින් නියෝග කර තිබෙනවා.
මෙම නඩුව අද කැඳවූ අවස්ථාවේදී විත්තිකාර නාමල් රාජපක්ෂ අධිකරණය හමුවේ පෙනී සිට ඇත.
එහිදී කරුණු සලකා බැලූ මහේස්ත්රාත්වරිය විසින් මෙම නඩුවට අදාළ මුල් නඩු වාර්තාව කොටුව මහේස්ත්රාත් අධිකරණයෙන් කැඳවීමට පියවර ගන්නා ලෙසද නියෝග කර තිබෙනවා.
ශ්රී ලංකාවේ රග්බි ක්රීඩාව ප්රවර්ධනය කරන බව සඳහන් කරමින්, ඉන්දියානු ක්රිෂ් සමාගමෙන් රුපියල් මිලියන 70 ක මුදලක් ලබාගැනීම තුළින්, මුදල් විශුද්ධිකරණය වැළැක්වීමේ පනත යටතේ වරදක් සිදු කළ බවට චෝදනා කොට නාමල් රාජපක්ෂ මන්ත්රීවරයාට එරෙහිව නීතිපතිවරයා විසින් මෙම නඩුව ගොනුකර තිබෙනවා.
