Telephone:
+94779456435

Email:
editor.todaynewslk@gmial.com

නව අධ්‍යාපන ප්‍රතිසංස්කරණ යටතේ ප්‍රාථමික ශ්‍රේණි කාණ්ඩ කිරීමක්! උගන්වනු ලබන විෂයන් හා පාසල් පවත්වන වේලාව පිළිබඳ තොරතුරු මෙන්න!

1 year ago

ලබන වසරේ සිට නව අධ්‍යාපන ප්‍රතිසංස්කරණ ක්‍රියාත්මක කිරීමේ දී 1 ශ්‍රේණියේ සහ 6 ශ්‍රේණියේ විෂය මාලා ප්‍රතිසංස්කරණ ක්‍රියාත්මක කිරිම සඳහා වූ උපදෙස් සංග්‍රහය අධ්‍යාපන අමාත්‍යාංශය විසින් නිකුත් කර තිබේ.

අධ්‍යාපන අමාත්‍යාංශ ලේකම් නාලක කළුවැව මහතා විසින් 1 හා 6 ශ්‍රේණිවල නව විෂය මාලා ක්‍රියාත්මක කිරීම සඳහා පාසල් සූදානම් කිරීමේ ක්‍රියාවලියට මාර්ගෝපදේශයක් ලෙස මෙම උපදෙස් නිකුත් කර ඇති බව වාර්තා වේ.

නව අධ්‍යාපන ප්‍රතිසංස්කරණ සඳහා අදාළ පරිදි චක්‍රලේඛ සහ මාර්ගෝපදේශ ඉදිරියේදී නිකුත් කිරීමට නියමිතව තිබේ.

නව අධ්‍යාපන ප්‍රතිසංස්කරණ යටතේ ප්‍රාථමික අධ්‍යාපනය අවදි තුනක් යටතේ ක්‍රියාත්මක කිරීමට නියමිත අතර 1,2 ශ්‍රේණි පළමු ප්‍රධාන අවදිය, 3,4 ශ්‍රේණි දෙවන ප්‍රධාන අවදිය, 5 වන ශ්‍රේණිය තෙවන ප්‍රධාන අවදිය ලෙස වෙන්කර ඇති බව අධ්‍යාපන අමාත්‍යාංශය සඳහන් කළේය.

ප්‍රාථමික අංශයේ පළමු වන සහ දෙවන ප්‍රධාන අවදියන්හී පාසල් පවත්වන කාලයේ කිසිදු වෙනසක් සිදුනොවන අතර තෙවන ප්‍රධාන අවදිය පෙරවරු 7.30සිට පස්වරු 2.00 දක්වා පාසල් පැවැත්වීමට නියමිතය.

පළමු ශ්‍රේණිය සිසුන් සඳහා පෙළපොත් වෙනුවට නව විෂය නිර්දේශයට අදාළව ජාතික අධ්‍යාපන ආයතනය මඟින් සම්පාදිත ක්‍රියාකාරකම් පොත් ලබාදීමට සැලසුම් කර තිබේ.