මෙහෙණින් වහන්සේ නමකට බැන තර්ජනය කිරීමේ සිද්ධියක් සම්බන්ධයෙන් සැකකරුවන් දෙදෙනෙකු ප්රසිද්ධ ස්ථානයක කළහකාරි ලෙස හැසිරීමේ චෝදනාව යටතේ වත්තල පොලීසිය විසින් අත්අඩංගුවට ගෙන ඇත.
එම පුද්ගලයන් දෙදෙනා මෙහෙණින් වහන්සේට බැන තර්ජනය කරන සිදුවීමට අදාළ වීඩියෝවක් ද මේ වන විට සමාජ මාධ්ය ඔස්සේ සංසරණය වෙමින් පවතී.
වත්තල, කෙරවලපිටිය ප්රදේශයේ රත්නාවලී ආරාමය අසළදී ඊයේ (02) එම සිදුවීම සිදුව ඇති බවයි පොලිසිය ප්රකාශ කළේ.
මෙලෙස අත්අඩංගුවට ගත් සැකකරුවන් අවුරුදු 58 හා 67 වයස්වල පසුවන වත්තල ප්රදේශයේ පදිංචිකරුවන් වේ.
අත්අඩංගුවට ගත් සැකකරුවන් අද (03) වැලිසර මහේස්ත්රාත් අධිකරණයට ඉදිරිපත් කිරීමට නියමිතයි.
