හෙරොයින් කිලෝග්රෑම් 1යි ග්රෑම් 118කට ආසන්න ප්රමාණයක් හෝටලය පිටුපස වළදමා තිබියදී සොයගත් සිදුවීමට අදාළ විදුහල්පතිගේ නිල රාජකාරී තහනම් කරමින් ලිපියක් උතුරු මැද පළාත් අධ්යාපන අධ්යක්ෂක විසින් යොමුකර තිබෙනවා.
එම ලිපිය මඟින් අධ්යක්ෂවරයා දන්වා ඇත්තේ, අනුරාධපුර කොට්ඨාස අපරාධ විමර්ශන කාර්යාංශය ඉදිරිපත් කළ කරුණු සලකා බලමින් ආයතන සංග්රහයේ වගන්ති යටතට ගැනෙන වරදක් සිදුකර ඇති බැවින් වහාම ක්රියාත්මක වන පරිදි වැඩ තහනම් කිරීමට කටයුතු කරන බවය.
වැඩ තහනමට ලක්ව සිටින කාල සීමාව තුළ විදෙස්ගතවීමට අවසර නොමැති බවත්, එම කාල සීමාව තුළ වැටුප් හා දීමනා නොලැබෙන බවයි එම ලිපියේ දැක්වෙන්නේ.
එමෙන්ම එම කාල සීමාව තුළදී පාසලට ඇතුළු වීම තහනම් බවත්, ඔහු සතුව තිබෙන රජය සතු සියලුම බඩු බාහිරාදිය කලාප අධ්යාපන අධ්යක්ෂක විසින් නම් කරන නිලධාරියෙකුට ලබා දිය යුතු බවයි එම නිවේදනයේ වැඩිදුරටත් සඳහන් වෙන්නේ.
