Telephone:
+94779456435

Email:
editor.todaynewslk@gmial.com

ඩග්ලස් හා ජොන්ස්ටන්ගේ මුළු පවුලම බන්ධනාගාර රෝහලට? පැතිර යන කතාවේ ඇත්ත මෙන්න

10 months ago

අධි­ක­ර­ණය මඟින් රක්ෂිත බන්ධ­නා­ගා­ර­ගත කිරී­මට නියෝග කළ, හිටපු අමාත්‍ය ජොන්ස්ටන් ප්‍රනාන්දු හා ඔහුගේ පුතුන් දෙදෙනා ද හිටපු අමාත්‍ය ඩග්ලස් දේවා­නන්දා ද මහර බන්ධ­නා­ගා­රයේ සාමාන්‍ය සිර වාට්ටු­වක් වන ‘ඩී’ වාට්ටු­වට යොමු කර ඇතැයි බන්ධ­නා­ගාර කොම­සා­රිස් ජන­රාල් නිශාන් ධන­සිංහ මහතා කියා සිටී.

“ඩග්ලස් හා ජොනී පවුලම බන්ධනාගාර රෝහලේ” යනු­වෙන් පළවූ ආන්දෝලනාත්මක පුවතත් සමඟ බන්ධ­නා­ගාර කොම­සා­රිස් ජන­රාල් නිශාන් ධන­සිංහ මහතා “දිනමිණ” පුවත්පතට පවසා ඇත්තේ, හිටපු අමා­ත්‍ය­ව­රුන් දෙදෙනා සහ ජොන්ස්ටන් අමා­ත්‍ය­ව­ර­යාගේ පුතුන් දෙදෙනා මහර බන්ධ­නාර රෝහලේ තිබෙන සිර­ක­රු­වන් ඇතු­ළත් කිරීමේ සාමාන්‍ය සිර­වාට්ටු වන 7 සහ 8 සිර­වා­ට්ටු­වල මෙයට පෙර රඳවා සිටි බවයි.

එම වාට්ටු දෙක බන්ධ­නා­ගාර රෝහ­ලට යොමු කරන සිර­ක­රු­වන්ට වෛද්‍ය ප්‍රති­කාර ලබා දෙන වාට්ටු නොව සාමාන්‍ය සිර­ක­රු­වන් රඳවා තබන සිර­වාට්ටු බව ද ධන­සිංහ මහතා පැහැදිළි කිරීමක් සිදුකර තිබේ.

හිටපු අමා­ත්‍ය­ව­රුන්ට හෝ එම පුතුන් දෙදෙ­නාට මේ වාට්ටු තුළ කිසිදු විශේෂ වර­ප්‍ර­සාද හිමිවී නොමැති බව ද ඒ මහතා වැඩි­දු­ර­ටත් පවසා ඇත.

ඔවුන් මෙම සිර­වා­ට්ටු­වල කෙටි කලක් රඳවා තැබී­මට සිදු වූයේ මහර බන්ධ­නා­ගා­රයේ පව­තින අධික තද­බ­දය නිසා බවත් මේ තත්වය මඟ­හ­ර­වා­ගෙන කඩි­න­මින්ම ඔවුන් ‘ඩී’ වාට්ටුව වෙත යොමු කළ බවත් ඒ මහතා පවසා ඇත.

පසු­ගිය 05 වැනිදා ජොන්ස්ටන් ප්‍රනාන්දු සහ ඔහුගේ එක් පුතකු අධි­ක­ර­ණය මඟින් රක්ෂිත බන්ධ­නා­ගා­ර­ගත කිරී­මට නියෝග කරනු ලැබූ අතර තවත් පුතකු පසු­ගිය 04 වැනිදා රක්ෂිත බන්ධ­නා­ගා­ර­ගත කිරී­මට නියෝග කෙරිණි. 

ඔවුන් තිදෙ­නාම මහර බන්ධ­නා­ගාරය වෙත යොමු කළ අතර ඒම බන්ධ­නා­ගා­රයේ වෛද්‍ය­ව­රයා වෙත යොමු කර සිර­වා­ට්ටු­ව­ලට මෙසේ යොමු කර ඇත.