සමූපාකාර වෙළෙඳසැල් හරහා මසකට රුපියල් 10,000කට වඩා වැඩි භාණ්ඩ මිලදී ගන්නා පාරිභෝගිකයන් වෙනුවෙන් රුපියල් ලක්ෂ තුනකට අධික වටිනාකමකින් යුතු නොමිලේ ජීවිත රක්ෂණාවරණයක් ලබාදීමට රජය තීරණය කර ඇති බව වෙළෙඳ අමාත්ය වසන්ත සමරසිංහ මහතා පවසයි.
අනුරාධපුර ප්රදේශයේ පැවති වැඩසටහනකින් අනතුරුව මාධ්ය වෙත අදහස් දක්වමින් අමාත්යවරයා සඳහන් කළේ මෙම රක්ෂණාවරණය සඳහා පාරිභෝගිකයාගෙන් කිසිදු මුදලක් අය නොකරන බවයි.
මෙම රක්ෂණ පහසුකම පාරිභෝගිකයන්ට පමණක් නොව, සියලුම සමූපාකාර සාමාජිකයන් වෙත ද ලබාදීමට කටයුතු සූදානම් කර ඇති බව ඒ මහතා මෙහිදී වැඩිදුරටත් අනාවරණය කළේය.
එසේම, සමූපාකාර ව්යාපාරය මෙරට ආර්ථිකයේ සක්රීය කොටස්කරුවෙකු බවට පත් කිරීමේ අරමුණින්, එහි සේවකයින් සඳහා තෘප්තිමත් වැටුපක් සහ ජීවිත රක්ෂණ ඇතුළු සුබසාධන පහසුකම් රැසක් හඳුන්වා දීමට පියවර ගන්නා බව ද අමාත්යවරයා අවධාරණය කළේය.
