Telephone:
+94779456435

Email:
editor.todaynewslk@gmial.com

පොඩි ලැසී දිවයිනට රැගෙන එයි 

9 months ago

ඉන්දියාවේ මුම්බායි නුවරදී අත්අඩංගුවට ගනු ලැබූ මෙරට ප්‍රධාන පෙළේ සංවිධානාත්මක අපරාධකරුවෙකු සහ මත්ද්‍රව්‍ය ජාවාරම්කරුවෙකු වන අරුමාහන්දි ජනිත් මධුසංඛ ද සිල්වා හෙවත් ‘පොඩි ලැසී’ විශේෂ පොලිස් කණ්ඩායමක් විසින් අද (27) අලුයම මෙරටට රැගෙන එනු ලැබීය.

රාජතාන්ත්‍රික මට්ටමින් සහ ජාත්‍යන්තර පොලීසියේ මැදිහත්වීම මත එරට ආරක්ෂක අංශ විසින් අත්අඩංගුවට ගත් මොහු, අද අලුයම 05.55 ට මුම්බායි සිට පැමිණි ශ්‍රී ලන්කන් ගුවන් සේවයේ යූ.එල්. – 142 දරන ගුවන් යානයෙන් කටුනායක ගුවන් තොටුපොළ වෙත රැගෙන එන ලදී.

2024 දෙසැම්බර් 09 වනදා අධිකරණයෙන් ඇප ලබා ගැනීමෙන් අනතුරුව මොහු මුහුදු මාර්ගයෙන් නීති විරෝධී ලෙස ඉන්දියාවට පලා ගොස් තිබුණි.2025 ජනවාරි මාසයේදී ඉන්දියාවේ මුම්බායි නුවරදී එරට ආරක්ෂක අංශ භාරයට පත් විය.

ගුවන් තොටුපොළේ සිට දැඩි පොලිස් ආරක්ෂාවක් මධ්‍යයේ මොහු වැඩිදුර විමර්ශන කටයුතු සඳහා ඇල්පිටිය කොට්ඨාස අපරාධ විමර්ශන අංශය වෙත භාර දීමට රැගෙන ගිය බව වාර්තා වේ. මොහුට එරෙහිව මනුෂ්‍ය ඝාතන, මත්ද්‍රව්‍ය ජාවාරම් සහ රාජ්‍ය නිලධාරීන්ට මරණ තර්ජන එල්ල කිරීම ඇතුළු බරපතළ චෝදනා රැසක් පවතී.