Telephone:
+94779456435

Email:
editor.todaynewslk@gmial.com

පිටකොටුව මධ්‍යම බස් නැවතුම්පොළට අලාභ හානි කරන්නන්ට වැඩ වරදී

7 months ago

නවීකරණය කර පසුගිය 08 වැනිදා ජනතා අයිතියට පත්කළ පිටකොටුව මධ්‍යම බස් නැවතුම්පොළට අලාභ හානි සිදුකරන පිරිසට එරෙහිව නීතිය ක්‍රියාත්මක කරන බව ප්‍රවාහන නියෝජ්‍ය අමාත්‍ය ප්‍රසන්න ගුණසේන පවසනවා.

නියෝජ්‍ය අමාත්‍යවරයා මේ පිළිබඳව සඳහන් කර සිටියේ ජනතා අයිතියට පත්කළ බස් නැවතුම්පොළ නිර්‍රික්ෂණයට පැමිණෙමින්.

මෙසේ බස් නැවතුම්පොළ විනාශ කිරීම සංවිධානාත්මකව සැලසුම් සහගතව සිදුවෙන ක්‍රියාවක් බවයි අමාත්‍යවරයා මෙහිදී ප්‍රකාශ කර සිටියේ.

ජනතා බදු මුදලින් සැදූ මෙම බස් නැවතුම්පොළට අලාභ හානි සිදුකිරීමට ඉඩ දිය නොහැකි බවත් ශ්‍රී ලංකා ගුවන් හමුදාව සමග එක්ව මෙහි කටයුතු කරන බවයි අමාත්‍යවරයා පවසා සිටියේ.

එමෙන්ම ඉදිරි මාස තුනක කාලයක් ගත කිරීමට ගුවන් හමුදාව එකඟ වී ඇති බවත් ඒ සඳහා අද දිනයේ සාකච්ඡා පවත්වන බවත් අමාත්‍යවරයා මෙහිදී පවසා සිටියා.

බස් නැවතුම්පොළේ ආරක්ෂිත තත්ත්වය තව දුරටත් වැඩිකරන බවයි අමාත්‍යවරයා වැඩිදුරටත් පවසා සිටියේ.