ශ්රී ලංකන් ගුවන් සමාගමට එයාර් බස් යානා මිලදී ගැනීමේදී සිදුවූ බව කියන අල්ලස් දූෂණ සම්බන්ධයෙන් චෝදනා ලබා සිටින එම සමාගමේ හිටපු ප්රධාන විධායක නිලධාරී කපිල චන්ද්රසේන මහතාගේ ඇප අයදුම්පත ප්රතික්ෂේප කිරීමට කොළඹ මහේස්ත්රාත් අධිකරණය අද (17) නියෝග කර තිබෙනවා.
කොළඹ ප්රධාන මහේස්ත්රාත් අසංග එස්. බෝදරගම මහතා විසින් මෙම නියෝගය නිකුත් කළා.
එහිදී අල්ලස් කොමිසම ඉදිරිපත් කළ කරුණු මෙන්ම සැකකරු වෙනුවෙන් පෙනී සිටි නීතිඥවරුන්ගේ තර්ක ද සැලකිල්ලට ගත් මහේස්ත්රාත්වරයා, සැකකරු එළඹෙන 28 වැනිදා දක්වා තවදුරටත් රක්ෂිත බන්ධනාගාර ගත කිරීමට නියෝග කරනු ලැබුවා.
