Telephone:
+94779456435

Email:
editor.todaynewslk@gmial.com

චූන් පාන් රථයක ගැටීමෙන් සිඟිත්තියකට දිවි අහිමි වෙයි

7 months ago

මන්නාරම, තාල්වුපාඩු තාරපුරම් මාර්ගයේ තුර්කිසිටි ගම්මානයේදී සිදු වූ අවාසනාවන්ත රිය අනතුරකින් වයස අවුරුදු එකහමාරක කුඩා දැරියක ජීවිතක්ෂයට පත්ව තිබේ.

බේකරි ආහාර ද්‍රව්‍ය ප්‍රවාහනය කරමින් තිබූ ත්‍රීරෝද රථයක ගැටීමෙන් මෙම අනතුර සිදුව ඇති බව වාර්තා වේ. අනතුරින් බරපතළ තුවාල ලැබූ කුඩා දැරිය වහාම මන්නාරම රෝහලට ඇතුළත් කිරීමට පියවර ගෙන තිබුණද, රෝහල්ගත කිරීමෙන් පසු ඇය මියගොස් ඇති බව පොලීසිය තහවුරු කළේය.

මෙසේ ජීවිතක්ෂයට පත්ව ඇත්තේ මන්නාරම, තාරාපුරම් ප්‍රදේශයේ පදිංචිව සිටි අවුරුදු 01යි මාස 06ක් වයසැති දැරියකි.

සිද්ධිය සම්බන්ධයෙන් මන්නාරම පොලීසිය විසින් වැඩිදුර විමර්ශන කටයුතු ආරම්භ කර ඇත.