රක්ෂිත බන්ධනාගාර ගත කර සිටි පාර්ලිමේන්තු මන්ත්රී රාමනාදන් අර්ච්චුනා අද (29) අධිකරණය වෙත ඉදිරිපත් කිරීමෙන් අනතුරුව ඇප මත මුදාහැරීමට නියෝග කර තිබෙනවා.
ඒ ඔහු අද මල්ලාකම් මහෙස්ත්රාත් අධිකරණය හමුවට ඉදිරිපත් කිරීමෙන් අනතුරුවයි.
මෙලෙස ඉලවාලෙයි පොලීසිය මගින් පසුගිය 27 වනදා උදෑසන එතුමා අත්අඩංගුවට ගෙන මල්ලාකම් මහෙස්ත්රාත් අධිකරණයට ඉදිරිපත් කිරීමෙන් අනතුරුව අද දක්වා රක්ෂිත බන්ධනාගාරගත කර තිබුනා.
ඔහු මෙලෙස අත්අඩංගුවට ගනු ලැබුවේ පසුගිය 25 වැනිදා යාපනය පෙරියවිලාන් ප්රදේශයේදී ගිනිඅවියක් අතැතිව කාන්තාවකට තර්ජනයක් සිදු කර තිබූ සිද්ධියක් සම්බන්ඳයෙන්.
මෙලෙස ගැටුම හටගෙන ඇත්තේ ඉඩමක් සම්බන්ධයෙන්.
අදාළ ඉඩමේ අයිතිය සම්බන්ධයෙන් මහෙස්ත්රාත් අධිකරණයක නඩුවක් පවතින අතර එම ඉඩම තමාට අයත් බව මන්ත්රී අර්ච්චුනා පවසන අතර කාන්තාවක්ද එම ඉඩමේ අයිතිය ඉල්ලා තිබෙනවා.
ඒ අනුව පසුගිය 25වනදා මන්ත්රීවරයා අදාළ ඉඩම පිරිසිදු කිරීමේ කටයුතුවල නිරතව සිටියදී එම ස්ථානයට පැමිණි කාන්තාවන් දෙදෙනෙකු ඉඩමෙන් කොටසක් තමන්ට අයත් බව පවසමින් මන්ත්රීවරයා සමග බහින් බස්වීමක් ඇති කර ගෙන තිබෙන අතර එම බහින්බස්වීම දුරදිගයාම හේතුවෙන් මන්ත්රීවරයා මෙලෙස තර්ජනය කර ඇති බවයි වාර්තා වන්නේ.
