දිවයිනේ පළාත් සහ දිස්ත්රික්ක රැසක අද (02) පස්වරු 1.00න් පමණ පසුව වැසි හෝ ගිගුරුම් සහිත වැසි ඇතිවිය හැකි බව කාලගුණවිද්යා දෙපාර්තමේන්තුව සිය දෛනික නිවේදනය මඟින් දන්වා සිටියි.
විශේෂයෙන් බස්නාහිර, සබරගමුව, මධ්යම, ඌව සහ නැගෙනහිර පළාත්වලත් පොළොන්නරුව, ගාල්ල සහ මාතර දිස්ත්රික්කවලත් පස්වරුවේ තැනින් තැන වැසි ඇතිවිය හැකිය. මීට අමතරව, දකුණු පළාතේත් කළුතර සහ කොළඹ දිස්ත්රික්කවලත් වෙරළබඩ ප්රදේශවල උදෑසන කාලයේදී වැසි ඇතිවීමේ හැකියාවක් පවතින බව එම දෙපාර්තමේන්තුව පවසයි.
ගිගුරුම් සහිත වැසි සමඟ ඇතිවිය හැකි තාවකාලික තද සුළං සහ අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙස කාලගුණවිද්යා දෙපාර්තමේන්තුව ජනතාවගෙන් කාරුණිකව ඉල්ලා සිටියි.
