වෙසක් උත්සවය නිමිත්තෙන් මේ වන විට දිවයින පුරා දන්සැල් 2,388 ක් ලියාපදිංචි වී ඇති බව මහජන සෞඛ්ය පරීක්ෂකවරුන්ගේ සංගමය පවසයි.
මෙම මස මුල සිට දිවයින පුරා සෞඛ්ය වෛද්ය නිලධාරී (MOH) කාර්යාල මට්ටමින් දන්සැල් ලියාපදිංචි කිරීමේ කටයුතු ආරම්භ කර ඇති බවයි එම සංගමයේ ලේකම් චමිල් මුතුකුඩ සඳහන් කළේ.
වෙසක් පෝයට පෙර දිනය වන මැයි මස 29 වැනිදා දක්වා මෙම ලියාපදිංචි කිරීම් තවදුරටත් සිදු කරන අතර, වෙසක් උත්සවය වෙනුවෙන් දන්සැලක් පැවැත්වීමට අපේක්ෂා කරන සංවිධායකයින් සිටී නම්, සෞඛ්යාරක්ෂිත උපදෙස් මාලාවන් නිසි පරිදි ලබාගැනීම සඳහා හැකි ඉක්මනින් ඒ සඳහා ලියාපදිංචි වන ලෙසට ලේකම්වරයා දන්වා සිටිනවා.
