Telephone:
+94779456435

Email:
editor.todaynewslk@gmial.com

ශ්‍රේෂ්ඨාධිකරණ විනිසුරු යසන්ත කෝදාගොඩ පිළිබඳව ජනපති කළ යෝජනාවට ව්‍යවස්ථාදායක සභාවේ අනුමැතිය

6 months ago

ශ්‍රේෂ්ඨාධිකරණ විනිසුරු යසන්ත කෝදාගොඩ අධිකරණ සේවා කොමිසමේ සාමාජිකයකු වශයෙන් පත් කිරීම සඳහා ව්‍යවස්ථාදායක සභාවේ අනුමැතිය හිමිවී තිබෙනවා.

පසුගිය සිකුරාදා (22) රැස්වූ ව්‍යවස්ථාදායක සභාව මෙම අනුමැතිය ලබා දී ඇත්තේ ජනාධිපති අනුර කුමාර දිසානායක මහතා කළ නිර්දේශය සලකා බැලීමෙන් අනතුරුවයි.

අගවිනිසුරුට පසුව ශ්‍රේෂ්ඨාධිකරණයේ සිටින ජ්‍යේෂ්ඨතම විනිසුරුවරයා වන කෝදාගොඩ, ඒ සඳහා පත් කෙරෙනුයේ අධිකරණ සේවා කොමිසමේ සාමාජිකයකුව සිටි හිටපු ශ්‍රේෂ්ඨාධිකරණ විනිසුරු එස්.තුරේරාජා විශ්‍රාම යාමෙන් පසුව ඇති වූ පුරප්පාඩුව සඳහායි.

රජයේ නීතිඥවරයකු ලෙස නීතිපති දෙපාර්තමේන්තුවේ සේවයට එක්වූ ඔහු, එහි ජ්‍යේෂ්ඨ අතිරේක සොලිසිටර් ජනරාල්වරයකුව සිටියදී අභියාචනාධිකරණයේ සභාපති විනිසුරු පදවියට පත්වීම් ලැබූ අතර, පසුව ශ්‍රේෂ්ඨාධිකරණයේ විනිසුරුවරයකු වශයෙන් පත්වීම් ලැබුවා.