Telephone:
+94779456435

Email:
editor.todaynewslk@gmial.com

වීදි සුනඛයන්ට අමානුෂික ලෙස පහරදුන් බැංකු නිලධාරිනියක් අත්අඩංගුවට

6 months ago

මහරගම, පතිරගොඩ පාර ප්‍රදේශයේ මහාමාර්ගයේ සිටින වීදි සුනඛයන්ට අමානුෂික අයුරින් වද හිංසා පමුණුවන ලද බවට චෝදනා ලැබූ බැංකු විධායක නිලධාරිනියක මහරගම පොලිසිය විසින් අත්අඩංගුවට ගෙන තිබේ.

පොලිස් විමර්ශනවලට අනුව, මෙම සැකකාරිය පසුගිය වෙසක් පොහොය දින රාත්‍රියේ සහ අලුයම් කාලයේදී මහමග සිටි සුනඛයන්ට පොලු මුගුරුවලින් පහර දී ඇති අතර, යතුරුපැදියකින් යටකර දැමීමට ද උත්සාහ කර ඇත. මෙම සියලු අමානුෂික ක්‍රියාවන් අදාළ ප්‍රදේශයේ සවිකර තිබූ ආරක්ෂිත (CCTV) කැමරාවල පැහැදිලිව සටහන්ව තිබී ඇති අතර, ප්‍රදේශවාසීන් විසින් සිදුකළ පැමිණිල්ලක් මත පොලිසිය වහාම විමර්ශන ආරම්භ කර තිබිණි.

අත්අඩංගුවට ගත් සැකකාරිය රජයේ බැංකුවක විධායක ශ්‍රේණියේ සේවය කරන විශ්වවිද්‍යාල උපාධිධාරිනියකි.

කෙසේ වෙතත්, අත්අඩංගුවට ගැනීමෙන් අනතුරුව අදාළ නිලධාරිනියගෙන් ප්‍රකාශ සටහන් කරගෙන ඇති පොලිසිය පසුව ඇයව පොලිස් ඇප මත මුදාහැරීමට කටයුතු කර ඇත.