හොරණ, බටගොඩ ප්රදේශයේ පිහිටි ‘මව්පිය සෙවන සෙනෙහසේ කැදැල්ල’ රැඳවුම් මධ්යස්ථානයේ මෑතකදී ඇති වූ ගින්න සම්බන්ධයෙන් අත්අඩංගුවට ගෙන රිමාන්ඩ් භාරයේ පසුවූ එහි හිමිකරු ඇප මත මුදාහැරීමට හොරණ මහෙස්ත්රාත් අධිකරණය අද (11) නියම කළේය.
සැකකරු අද දින බන්ධනාගාරය විසින් අධිකරණයට ඉදිරිපත් කර නොතිබූ අතර, ඔහු වෙනුවෙන් පෙනී සිටි නීතිඥ මණ්ඩලය විසින් ඉදිරිපත් කළ කරුණු සලකා බැලීමෙන් අනතුරුව හොරණ මහෙස්ත්රාත්වරිය විසින් මෙම ඇප නියෝගය ලබා දෙන ලදී.
ඒ අනුව නීතිඥවරුන්ගේ කරුණු දැක්වීමට අනුව මහෙස්ත්රාත්වරිය විසින් ලක්ෂයක මුදල් ඇපයක් සහ ලක්ෂ 10 බැගින් වූ ශරීර ඇප 2ක් මත සැකකරු මුදාැරීමට නියෝග කර තිබේ.
කෙසේ නමුත් සැකකරුගේ විදේශ ගමන් තහනමක් පනවා ඇත.
නඩුව මෙම මස 25 වැනිදා නැවත කැඳවීමට නියමිතය.
