වයස අවුරුදු 05ක් වන පෙර පාසල් දැරියකට ලිංගික අතවර කළ බව කියන 65 හැවිරිදි ව්යාපාරිකයෙකුව මාදම්පේ පොලීසිය විසින් අත්අඩංගුවට ගෙන තිබේ. පොලීසිය සඳහන් කළේ අත්අඩංගුවට ගත් සැකකරු මාදම්පේ, කරුකුවටව ප්රදේශයේ පදිංචිකරුවෙකු බවයි.
මෙම අවාසනාවන්ත සිදුවීමට මුහුණ දී ඇත්තේ අදාළ සැකකරු විසින් පවත්වාගෙන යනු ලබන වෙළෙඳසැලෙන් බිස්කට් මිලදී ගැනීම සඳහා ගිය කුඩා දැරියකි. එහිදී සැකකාර ව්යාපාරිකයා විසින් දැරියව වෙළෙඳසැල තුළට කැඳවාගෙන ගොස් මෙම අතවරය සිදුකර ඇති බවට දැරියගේ මව විසින් මාදම්පේ පොලීසිය වෙත පැමිණිලි කර තිබේ.
අතවරයට ලක්වූ කුඩා දැරිය මේ වන විට අවශ්ය වෛද්ය පරීක්ෂණ කටයුතු සඳහා හලාවත මහ රෝහලේ අධිකරණ වෛද්ය නිලධාරීවරයා වෙත යොමු කර ඇත. සිද්ධිය සම්බන්ධයෙන් අත්අඩංගුවට ගත් සැකකරු හලාවත මහේස්ත්රාත් අධිකරණය වෙත ඉදිරිපත් කිරීමට නියමිත බව පොලීසිය වැඩිදුරටත් සඳහන් කරයි.
