ශ්රී ලංකා ජාතික රෝහලේ නව නියෝජ්ය අධ්යක්ෂ ජනරාල්වරයා ලෙස පත්වීම් ලැබූ වෛද්ය පරිපාලනය පිළිබඳ ප්රමුඛ පෙළේ ජ්යෙෂ්ඨ විශේෂඥ වෛද්ය එම්.කේ.සම්පත් ඉන්දික කුමාර ඊයේ (15) ජාතික රෝහල් පරිශ්රයේ පිහිටි සිය කාර්යාලයේදී නිල වශයෙන් රාජකාරී කටයුතු ආරම්භ කරන කළා.
මෙම තනතුරට පත් වූ විශේෂඥ වෛද්ය සම්පත් ඉන්දික කුමාර මීට පෙර බදුල්ල, රත්නපුර, පොළොන්නරුව දිස්ත්රික් මහ රෝහල, පොළොන්නරුව ජාතික වෘක්කවේද විශේෂිත රෝහල, මහරගම අපේක්ෂා රෝහල යන ආයතනවල අධ්යක්ෂවරයා ලෙස මෙන්ම වයඹ පළාත් සෞඛ්ය සේවා අධ්යක්ෂවරයා ලෙස ද කටයුතු කර ඇති අත්දැකීම් බහුල නිලධාරියෙක්.
